الأربعاء، ١٤ يناير ٢٠٠٩

نحلم أيه

نحلم ايه؟

ونحس ايه

ياما حلموا

ياما حسوا

اسألوهم ضاعوا ليه؟

كل واحد كان لوحده

عاش لنفسه وعاش لوحده

وأما جالوا اليأس ياخده

ضاع ..لكنه مضعش وحده

خد معاه الكل جنبه

غصب عنهم شالوا ذنبه

واحنا منهم بعد منهم

خدنا ايه..؟؟!

* * *

هما ضاعوا وراحوا واحنا

جرحهم مخنوق ف روحنا

كل شئ حوالينا واقف

ضد أحلامنا وطموحنا

* * *

كل حاجة باينه واضحة

يعنى لازم احنا نصحى

و اللى باقي

نخاف عليه

* * *

هيا غلطة وفات زمانها

كلنا بندفع تمنها

يا وطن

يا أم خايفة

نفسنا يرجع أمانها

* * *

إغتيالهم للطفولة

مش شهامة

مش بطوله

يا وطنا لم شملك

اتفاقنا خطوة اولى

* * *

استحاله عشان جراءته

نقتله ونقتل براءته

صمت نبضه هز أرضه

بالحجارة قصاده رصاص
* * *

اللى مات عشان بلاده

لا ممتش دا يوم ميلاده

والقضيه مفيش قضية

اعلنوا الاحزان خلاص

* * *

نحلم ايه ونحس ايه

ياما حلموا ياما حسوا

اسألوهم ضاعوا ليه

ليست هناك تعليقات: